劉一手重慶火鍋 (又一城)

Open Now

Now Closed

收咁嘅價錢竟然限時入座90分鐘，仲要去到先話你知，唔通成家人臨時轉場再揾地方咩，人手又唔夠，個鍋上枱淨番60分鐘，最後10分鐘已催埋單，服務質素員工態度亦麻麻。由接待到落單到埋單，都係趕客咁樣。啲卡位又迫，健碩啲或者腳長啲都會坐得唔舒服。隔離嗰枱出聲話好迫想轉枱，服務員竟然叫我哋起起身，原來卡位張櫈係郁得嘅，佢想移過啲我哋嗰邊，其實我哋都迫迫地。最後為咗趕交枱要擒擒青咁食，仲一路食一路有員工收緊枱。雖然唔係叫最貴嘅嘢，但4個人埋單都over$3000，係咪應該有好啲嘅服務呢？雖然服務質素差，但食物質素不錯，尤其牛肉同海鮮。而麻辣湯底羶味很大，不是一般人可接受。