Video
Read full review
2020-01-20
993 views
因為唔食得辣，所以我一直都無試過傷心酸辣粉🤣。不過之前經過桂林街分店，見到有個下午茶餐好抵，就已經bookmark咗一定要試！我都估唔到自己一試就連續食咗兩日🙈。下午茶兩點鐘就開始，所以可以買外賣返去當lunch食。一入去就係收銀櫃，直接喺嗰到畀錢落單，但我想講兩日唔同嘅女店員態度都差到一個點，一個好似唔識講嘢咁；另一個就自己無問清楚，要重新落過就黑我面😤。我買外賣就算啦唉。落完單即刻整，所以都要等一陣先有拎得。我嗌嘅下午茶餐超級抵，$29有一碗麵同一款小食，送熱飲。外賣盒🥡每個要加$1，由於麵同小食分開上，所以加咗$2。如果可以嘅話，堂食抵啲同環保啲。題外話，個外賣pack得幾好哈哈。我第一日要咗🐔鹽焗手撕雞准山麵，依個一打開就已經聞到超香！手撕雞份量唔算多，比較碎，但味道都唔錯。至於准山麵，我係第一次食，一直以為味道會怪怪的、藥材咁嘅味，而口感就粉粉地。點知同我想像中完全唔同😂，原來准山麵係咁爽的，而且無乜准山味，我立刻愛上咗，因為好掛湯，好好食🤤。湯底好香麻油味，唔辣的，下午茶好似無得揀辣。題外話，碗麵好多芫荽同蔥🙅🏻♀️。小食方面，有幾款選擇，樣樣都幾吸引，我要咗炸墨魚餅🦑，配
因為唔食得辣，所以我一直都無試過傷心酸辣粉🤣。不過之前經過桂林街分店，見到有個下午茶餐好抵，就已經bookmark咗一定要試！我都估唔到自己一試就連續食咗兩日🙈。
下午茶兩點鐘就開始，所以可以買外賣返去當lunch食。一入去就係收銀櫃，直接喺嗰到畀錢落單，但我想講兩日唔同嘅女店員態度都差到一個點，一個好似唔識講嘢咁；另一個就自己無問清楚，要重新落過就黑我面😤。我買外賣就算啦唉。落完單即刻整，所以都要等一陣先有拎得。
我嗌嘅下午茶餐超級抵，$29有一碗麵同一款小食，送熱飲。外賣盒🥡每個要加$1，由於麵同小食分開上，所以加咗$2。如果可以嘅話，堂食抵啲同環保啲。題外話，個外賣pack得幾好哈哈。
鹽焗手撕雞准山麵
$29
54 views
0 likes
0 comments
我第一日要咗🐔鹽焗手撕雞准山麵，依個一打開就已經聞到超香！手撕雞份量唔算多，比較碎，但味道都唔錯。至於准山麵，我係第一次食，一直以為味道會怪怪的、藥材咁嘅味，而口感就粉粉地。點知同我想像中完全唔同😂，原來准山麵係咁爽的，而且無乜准山味，我立刻愛上咗，因為好掛湯，好好食🤤。湯底好香麻油味，唔辣的，下午茶好似無得揀辣。題外話，碗麵好多芫荽同蔥🙅🏻♀️。
炸墨魚餅
40 views
0 likes
0 comments
小食方面，有幾款選擇，樣樣都幾吸引，我要咗炸墨魚餅🦑，配上泰式酸辣醬。估唔到下午茶送嘅小食，有成三塊咁多！再者，就係個墨魚餅超級好食😋，勁彈牙，好高質，唔係平日無嚟味道嗰種。不過外賣嘅關係，啲醬直接放埋一齊，有啲過多。由於墨魚餅太好食，所以第二日再食咗，無試到第款。
肥牛拼麻辣牛丸湯薯粉
$29
39 views
0 likes
0 comments
我第二日要咗🐮肥牛拼麻辣牛丸湯薯粉，餸嘅份量勁多，肥牛有四片，牛丸有三粒，仲未計小食嗰三塊墨魚餅！牛丸食得多，麻辣味就第一次食，估唔到麻辣味無欺場，都幾麻同幾辣🌶，好惹味，而且牛丸本身都幾彈牙。薯粉同平日食開嘅唔同，好粗身，食落比較方便，口感偏淋，但都ok，主要係唔韌咁解。
總括嚟講，依個下午茶餐性價比真係滿分💯，我呢兩日食嘅麵同墨魚餅都好好食，份量亦無因為係下午茶餐而變得迷你。下午茶餐以外嘅定價其實好似都幾抵👍。餐廳環境正常，幾多座位，望落都好似算乾淨。唯一要改善下就係店員啲態度囉。
Post
