凱施餅店 (Closed)

放工七點幾，好想食件牛油蛋糕，唔太多人，好自然就走咗入去呢間鋪頭買一件由細到大都鍾意食嘅西餅。細細個食嘅西餅就係呢種，唔知係情意結定還是係口味問題，我最愛都仲係呢款有塊菠蘿喺上面嘅蛋糕。蛋糕面有一塊菠蘿。啡色蛋糕面配上鮮黃色嘅菠蘿，望到就想食。面頭嗰層啡色其實係最甜嘅，而下邊黃色嗰啲就係牛油蛋糕，如果你用一張紙巾包住食，你就會見到張紙巾印到出嚟嘅油有幾勁。雖然幾蚊一件，但佢係好多新式西餅唔可以代替嘅味道。