Video
Read full review
2019-12-09
40 views
🐷🐷🐷🐷🐷最近好少帶媽咪食中餐，佢開始有說話俾我聽👀 見到Openrice杭州老字號 張生記 而家做緊一個套餐買一送一既優惠😌 搵日放假就盡下孝子嘅責任，帶媽媽食返餐體面嘅中餐。▪️三潭印月宴 ($798/person)👉🏻 小食($38) 西湖龍井($22/person)小食一共有兩款，酒浸紅棗同酸菜。紅棗酒味濃郁，酸菜同豆腐夾得幾好。👉🏻 江南涼菜兩味海蜇酸酸地，非常開胃，咬落去口感爽脆，令人食慾大開。墨汁腸切片。第一次識用墨汁制既腸仔，味道非常特別，墨汁嘅香味比我想像中濃郁同吸引，可能之後有錢都食唔到啲咁特別涼菜！👉🏻 張生記老鴨煲超級鍾意飲老火湯嘅我，一睇到入面嘅材料就開心到不得了，湯底非常足料，有一絲絲嘅甘荀，金華火腿片，鴨肉，甚至連花膠都有🥺我覺得至少值$100/person。👉🏻 麻婆豆腐龍蝦仔賣相十分有氣派，麻婆豆腐辣道適中，麻同辣之間嘅平衡拿捏得好好，龍蝦肉一啖一啖咬落去嘅時候，竟然仲食到龍蝦肉本來嘅甜味，並冇比辣味蓋住，聽講係張生記既招牌菜式，曾經獲獎，果然名不虛傳！👉🏻 杭州東坡牛肉伴南瓜餅東坡肉就食得多，用牛肉製嘅東坡肉你食過未啊😚 賣相睇落黑蚊蚊，但食落口真係驚
最近好少帶媽咪食中餐，佢開始有說話俾我聽👀 見到Openrice杭州老字號 張生記 而家做緊一個套餐買一送一既優惠😌 搵日放假就盡下孝子嘅責任，帶媽媽食返餐體面嘅中餐。
▪️三潭印月宴 ($798/person)
👉🏻 小食($38) 西湖龍井($22/person)
小食一共有兩款，酒浸紅棗同酸菜。紅棗酒味濃郁，酸菜同豆腐夾得幾好。
👉🏻 江南涼菜兩味
海蜇酸酸地，非常開胃，咬落去口感爽脆，令人食慾大開。
墨汁腸切片。第一次識用墨汁制既腸仔，味道非常特別，墨汁嘅香味比我想像中濃郁同吸引，可能之後有錢都食唔到啲咁特別涼菜！
👉🏻 張生記老鴨煲
超級鍾意飲老火湯嘅我，一睇到入面嘅材料就開心到不得了，湯底非常足料，有一絲絲嘅甘荀，金華火腿片，鴨肉，甚至連花膠都有🥺我覺得至少值$100/person。
👉🏻 麻婆豆腐龍蝦仔
賣相十分有氣派，麻婆豆腐辣道適中，麻同辣之間嘅平衡拿捏得好好，龍蝦肉一啖一啖咬落去嘅時候，竟然仲食到龍蝦肉本來嘅甜味，並冇比辣味蓋住，聽講係張生記既招牌菜式，曾經獲獎，果然名不虛傳！
👉🏻 杭州東坡牛肉伴南瓜餅
東坡肉就食得多，用牛肉製嘅東坡肉你食過未啊😚 賣相睇落黑蚊蚊，但食落口真係驚為天人。肉質鬆軟，牛肉十分入味，媽咪話好似係個口入面溶左咁。真係好想再食多舊... 南瓜仔好可愛，入面係紅豆蓉，一鹹一甜配搭好好。
👉🏻 荷塘小炒
食咁多咁精采嘅菜式，中間要食返啲清淡嘅蔬菜黎調劑下！
👉🏻 蟹粉小籠包
皮薄餡靚，湯汁十足。
👉🏻 酒釀丸子
有啲荔枝嘅香甜味道，唔知道係咪酒精釀米時衍生出嚟嘅甜味。丸子彈牙，內裏有紅豆餡，為呢一個套餐畫上完美句號😘
🔸Overall ($880+1)
📍 張生記 (銅鑼灣)
銅鑼灣新寧道8號中國太平大廈2樓
Post
