博多拉麵別天神 (Closed)

今日去開尖東開會，開完會一個人諗緊食咩好，喺尖東經過呢家小店， 一個人食拉麵最方便最快捷啦~門口好有日本拉麵風格，入去就係傳統日式坐吧枱對住師傅煮拉麵。Menu 由於好肚餓，決定叫一款拉麵兩個小食小龍蝦蟹子沙律 $35 - 夏日炎炎，食個凍冰冰沙律就最正。蟹籽入口卜卜聲，好有口感，龍蝦肉亦好彈牙，配埋沙律醬，呢個絕對值得一試~豚骨湯麵 $75 - 一上枱俾佢個奶白色濃湯吸引左，立即飲返一啖，好濃豬骨湯味。見餐牌寫話全無味精，即刻飲多幾啖。麵硬度適中，配埋木木耳同勁多葱，仲有溫泉蛋，份量十足。 最後我差唔多飲晒成碗湯! 餃子六隻 $35- 煎得好脆，配拉麵食一流~