山東餃子花膠湯飯專門店 (Closed)

今日與朋友經過加連威老道，朋友突然想食中式餃子，我哋見到呢個food court有好多選擇, 決定試一試佢哋嘅山東餃子。我叫咗個翠瓜花膠無味精雞湯麵配餃子，麵可以揀唔同嘅麵底，我選了蕃茄麵，餃子則選了香芹芫荽蝦肉餃子，係我最喜愛嘅芫荽做餃子啊。先講講個雞湯湯底，清淡鮮甜，湯底入面有花膠片，好有口感，蕃茄麵亦食到淡淡的蕃茄味。餃子方面，蝦肉同芫荽嘅比例好夾，配埋餃子醋，完全唔油膩。朋友就揀咗翠瓜花膠泡飯，配芝士粟米豬肉餃子。朋友話個泡飯吸收晒雞湯嘅精華，啖啖濃香雞湯味。至於佢嘅芝士粟米豬肉餃子🥟，配埋麻辣口水汁，雙重口感喎。小食我哋另外再嗌多個雞湯花膠，希望可以盡情食花膠，補補骨膠原😃飲品方面，我同朋友分別叫咗熱泰國龍眼特飲及抹茶拿鐵，喺呢個秋風起嘅時間飲熱嘢就最啱。總括而言，山東餃子店的餃子果然冇令我哋失望，特別欣賞佢唔同嘅餃子會有唔同嘅醬汁，餃子醋及麻辣口水汁都做得出色。眼闊肚窄，下次決定同個食得辣嘅朋友再試吓佢哋嘅麻辣冬菇雞肉餃子🥟。