Video
Read full review
2021-03-15
508 views
只寫重點，食評如下：1. 人手不足：由點菜到上菜，每一道菜需時約20分鐘，合共五道菜，全部是簡單菜式，分別是：(i) 燒鰻魚兩片 (每片約2cm x 3cm x 0.5cm)(ii) 燒多春魚4條 (每條約5cm x 1cm)(iii) 炸豆腐4塊 (每塊約3cm x 3cm x 3cm)(iv) 加州卷6塊 (正常一般日本餐廳加州卷的大小) ; 及(v) 叉燒拉麵一碗。2. 難食：(i) 鰻魚鞋身、燒得太乾；(ii)多春魚唔夠春，好少春，都唔知係乜春魚；(iii) 炸豆腐的心仍是冷，真係「看透了冷眼，心早已沒法説感歎⋯⋯」；(iv) 加州卷，只要用筷子一夾，蟹子四散得太快，很多蟹子跌落碟上，可惜；(v) 叉燒拉麵：叉燒太咸、肉質太靭、湯底味精水、拉麵係超市有售，最平價個種質素嘅拉麵，係屋企自隊一碗「出X一丁」會比起食呢碗叉燒拉麵好食好多。讀者可能會覺得奇怪，點解要寫埋其中三道菜嘅size 呢？因為呢間餐廳提供嘅食物，好細份，食唔飽。老細，你可以收貴啲，每道菜整大份啲架嘛！不過，你個廚師煮嘢咁難食，如果佢唔改善下啲廚藝，食物再大份都只會仍然係咁難食。無味蕾的人，即管可以試下幫襯呢間日本
1. 人手不足：
由點菜到上菜，每一道菜需時約20分鐘，合共五道菜，全部是簡單菜式，分別是：
(i) 燒鰻魚兩片 (每片約2cm x 3cm x 0.5cm)
(ii) 燒多春魚4條 (每條約5cm x 1cm)
(iii) 炸豆腐4塊 (每塊約3cm x 3cm x 3cm)
(iv) 加州卷6塊 (正常一般日本餐廳加州卷的大小) ; 及
(v) 叉燒拉麵一碗。
2. 難食：
(i) 鰻魚鞋身、燒得太乾；
(ii)多春魚唔夠春，好少春，都唔知係乜春魚；
(iii) 炸豆腐的心仍是冷，真係「看透了冷眼，心早已沒法説感歎⋯⋯」；
(iv) 加州卷，只要用筷子一夾，蟹子四散得太快，很多蟹子跌落碟上，可惜；
(v) 叉燒拉麵：叉燒太咸、肉質太靭、湯底味精水、拉麵係超市有售，最平價個種質素嘅拉麵，係屋企自隊一碗「出X一丁」會比起食呢碗叉燒拉麵好食好多。
讀者可能會覺得奇怪，點解要寫埋其中三道菜嘅size 呢？因為呢間餐廳提供嘅食物，好細份，食唔飽。
老細，你可以收貴啲，每道菜整大份啲架嘛！不過，你個廚師煮嘢咁難食，如果佢唔改善下啲廚藝，食物再大份都只會仍然係咁難食。
無味蕾的人，即管可以試下幫襯呢間日本餐廳，但即使無味蕾，仍需要等好耐，等到十分肚餓個一刻，店中唯一嘅侍應兼收銀及接外賣訂單嘅男人，便會慢慢將食物送到上枱。
順帶一提，由客人進入呢間餐廳個一刻，便會聽到餐廳播放十分難聽嘅日本歌。老細，不如你熄咗啲音樂佢，比人安靜地食一餐晚飯啦！
推介菜式：
1. 味精拉麵
2. 心仍是冷炸豆腐
3. 甩皮甩骨加州卷
4. 世界真細小燒鰻魚
5. 乜春魚 ... ...
結論：貼錢買難受！
後續：只食到半飽，要揸車去第二間餐廳食多一餐晚飯。老細，你唔識點做日本餐廳，就不如唔好做啦！
Post