熺會館

Open Now

Now Closed

知道尖沙咀嘅熺會館打邊爐好出名，估唔到佢小炒都好出色！今日難得放假，同朋友一行三人就去咗熺會館試下佢既小炒，點知非常之好食😋我地食左個鮑汁黑松露琵琶豆腐！☺️豆腐煮得非常滑，鮑汁食得出有新鮮鮑魚既味道，加埋啲濃郁嘅黑松露，成個豆腐口感非常之豐富！☺️之後我哋再食咗個熺會小炒王🥗菜炒得好爽好乾身，食得出好有鑊氣！唔鍾意食菜既我都食左好多！👍因為我哋太鍾意食豆腐！我地再叫左個紅燒豆腐煲！🥘豆腐一樣都係非常之滑，煎完唔會乾身仲好juicy😀上面仲有大大隻嘅冬菇！菇身非常厚肉，咬落去非常之冧多汁，仲索晒啲汁，非常好味！😍最後都要讚下呢度嘅茶具擺設！啲茶杯同埋茶壺都非常之古色古香！好有特色👍我哋都影咗幾張相先走啊！😊