The Balcony (Closed)

呢餐由沙律開始就冇失望過，師傅將充滿黃豆香味的凍豆腐，與沙律菜混合，伴以日式麻醬，非常開胃又健康。前菜揀左「凍八爪魚配牛油果蕃茄醬」，番茄加上牛油果既醬清新酸甜，薄片八爪魚新鮮爽口，好好食啊！「秘製龍蝦湯」用小咖啡杯裝住，有別緻拉花，充滿視覺享受，而且湯質感細滑濃郁，好重龍蝦鮮味道，應該係廚師精心之作。主菜揀左「慢煮羊膝配意大利粉」，羊膝大件得令人驚喜，肉質厚肉軟腍，啖啖肉都充滿羊肉香，配上香濃既蕃茄醬汁，令味道更具層次。「甜品拼盤」有Tiramisu同雪糕，唔會甜得太膩又清新，口感層次非常豐富。