臺坊 (加拿分道) (Closed)

鹽焗雞絲肉燥飯 $54 賣相似台式便當，堂食都係用即棄餐具，雞肉嫩滑，肉燥味道幾好，唔錯唔錯。鹽酥雞冷麵配胡麻醬 $54 有青瓜蟹柳絲加埋胡麻醬好似食緊日式沙律咁，拌冷麵都幾夾，幾件鹽酥雞都脆口又夠味。見到枱上有樽麻辣油（望落似xo醬），加落飯同麵都提昇左個食物味道，中麻小辣幾正。跟餐配小食麻辣海蜇雞柳 $25，感覺係海蜇加左肉燥飯個雞肉，冷麵個青瓜蟹柳同埋枱上果樽麻辣油，哈哈。好食既，如果海蜇凍啲會更加正，雞肉都幾多。飲品加$6，叫左珍珠奶茶 同小麥胚芽奶茶，珍珠就好韌，似未煮熟咁，扣分，小麥胚芽就無乜特別。整體食物性價比可接受，唔算係驚為天人，但返到台灣家鄉前可以止下渴先。