三家村水產 (Closed)

平時都係入去鯉魚門食海鮮，不過今次唔係食海鮮中菜，反而係食日本居酒屋嘅水產。車可以泊門口，非常方便，而且望入去落地玻璃可以望出去大海，仲要見到啲船隻泊埋岸，可以一邊食，一邊欣賞咁靚嘅美景。壽司方面，當然要叫我最鍾意嘅海膽軍艦，海膽呈現鮮橙色非常新鮮，而且味道很鮮甜，紫菜亦都脆卜卜，一件真係唔夠喉。仲有好肥美嘅拖羅壽司，而且好厚好大塊，食落口簡直有入口即溶嘅口感，相當滿足。除此之外，仲有點左火炙三點，當中包括火炙左口魚、油甘魚同埋三文魚壽司，另外仲有鰻魚壽司同埋香蔥吞拿魚腩軍艦，每一款壽司都非常新鮮美味。串燒方面，我哋分別叫咗牛舌、雞軟骨雞肉串同埋雞翼。牛舌一串有三大件，每一件都燒得好香，食落口質感爽滑。雞翼有兩隻，每隻切開兩邊，燒得好香，而且係完全熟透，再加埋佢特製嘅鹽鋪係雞翼表面，連埋燒到香脆嘅皮一齊食，非常滋味。除此之外，仲有飽肚嘅三家村海鮮粥同埋山賊牛肉炒飯。海鮮粥軟綿綿、牛肉炒飯炒得好有鑊氣。飲品方面多不勝數，哈密瓜沙冰非常新鮮，飲得出係用原隻哈蜜瓜打磨而成。最後，仲叫咗日本柚子雪芭作為甜品🍮，食完真係好滿足。我哋食咗10幾款美食，埋單都只係＄1500兩個人，每人平均消費＄70