小火焰韓式咖啡廳 (觀點中心) (Closed)

聽女朋友講呢間餐廳好出名，一於同佢試下。🍗炸雞combo $68全餐最好味！有香脆嘅炸雞軟骨、炸雞同薯條。雞軟骨唔係平時嗰啲來貨，每粒都香脆可口，調味適中。炸雞口感依然香脆，雞肉好多汁，辣醬嘅辣度都幾高，非常惹味。🐮雪香牛骨湯鍋 $128本身想叫八爪魚鍋，但當晚冇八爪魚，所以叫咗呢個。牛仔骨比較難咬，而且湯底冇咩平時牛骨湯嘅甜味。但呢個鍋有好多蔬菜同埋粉絲，夠晒健康同飽肚。🧀芝士海鮮菜餅 $68海鮮份量比想像中多，有好多爽口嘅墨魚仔。佢比起平時嘅韓式煎餅薄，所以口感都更加香脆。🥭芒果窩夫 $68呢度嘅甜品賣相精美，睇得又食得。窩夫好香脆，配上雪糕同埋芒果肉，十分之夾。☕紫薯latte $34迷人嘅紫色好適合打卡，而且味道都唔錯。女朋友平時唔係好鍾意食韓國嘢，但係呢餐都食得津津有味。見到佢食得開心，我都好開心呀。