沙田醫院職員飯堂

Open Now

Now Closed

呢一年喺度做野，因為出去食飯要搭車🙄，所以多數都係去醫院canteen攪掂個lunch，無期望係唔會有失望嘅😅，所以呢間飯堂都係正正常常，係泛亞集團，即係大家樂啲friend 。佢每日都有兩餸飯，可以加錢要三餸，有個湯，飯仲可以轉紅米飯，真心唔難食，簡簡單單又一餐。但佢有時都真係會俾到驚喜我同埋同事架喎🤣🤣！有時會有薄餅！好食架，即焗架，仲要只係$40幾$50，包一杯飲品，你唔會食得曬🤣呢排夏天出湯飯，我都食過鹵水鴨腿湯飯🍲，係幾正。仲有越式粉麵🍜。都算有唔同種類揀下。順便一提，佢嘅燒味飯係幾好食嘅，好快就俾人賣曬，午餐要提早落去，唔係好快無位。有職員價，係好抵食嘅！