Video
Read full review
2023-11-24
99 views
見網上咁多好評講佢的濃蝦湯好食，就諗住去試下，點知夜晚7點黎到已經話賣哂了。唔緊要，都仲有雞、鴨、豬同牛配搭的湯粉麵。到點餐時才知道雞都買哂了，想點杯可樂，可樂都賣哂了😂 唔知係咪好新開，入貨量唔係好足😂我地叫左個牛寶寶同鴨腿湯麵兩個湯麵都有同樣情況，就係舊肉好靭！牛果份係一邊好肥一邊好瘦，好唔均勻。鴨腿果個點解咁靭我都諗唔明，我見人地煲好耐果d 鴨腿湯應該係好冧先岩🤔 話佢煲唔耐咩，又唔似，因為舊肉都收縮哂另一個問題就係，佢個示意圖麵底係上海麵咁，麵係圓長型，上到黎竟然變左台式撈麵果種麵，仲要落單時無得揀麵底，我見其他桌的人都係呢隻麵。 先唔論好無食，第一個感覺係貨不對辦。然後個麵質係好簿又無味果隻。有時係出邊買比較平價的台式麵都會似咁樣，但係大佬，你收成88蚊碗牛麵，個牛腩已經片到好似肥牛咁簿俾得2片我，又唔係咩靚牛，俾個好少少ge 麵我都唔得？麵上面個溏心蛋又係癲，十成熟烚蛋仲要無味😂 張相蛋黃深色少少的地方，係d 湯濕左咋😂 我一夾起心諗，溏心蛋有無咁難煮呀？自己整都無咁嬲最後就係餐廳個環境，兩排食客背住間餐廳唯一一條走廊坐，坐得又好近，d 侍應要過親都要移位俾佢，成餐飯移左3
見網上咁多好評講佢的濃蝦湯好食，就諗住去試下，點知夜晚7點黎到已經話賣哂了。
唔緊要，都仲有雞、鴨、豬同牛配搭的湯粉麵。到點餐時才知道雞都買哂了，想點杯可樂，可樂都賣哂了😂 唔知係咪好新開，入貨量唔係好足😂
我地叫左個牛寶寶同鴨腿湯麵
兩個湯麵都有同樣情況，就係舊肉好靭！牛果份係一邊好肥一邊好瘦，好唔均勻。鴨腿果個點解咁靭我都諗唔明，我見人地煲好耐果d 鴨腿湯應該係好冧先岩🤔 話佢煲唔耐咩，又唔似，因為舊肉都收縮哂
另一個問題就係，佢個示意圖麵底係上海麵咁，麵係圓長型，上到黎竟然變左台式撈麵果種麵，仲要落單時無得揀麵底，我見其他桌的人都係呢隻麵。 先唔論好無食，第一個感覺係貨不對辦。
然後個麵質係好簿又無味果隻。有時係出邊買比較平價的台式麵都會似咁樣，但係大佬，你收成88蚊碗牛麵，個牛腩已經片到好似肥牛咁簿俾得2片我，又唔係咩靚牛，俾個好少少ge 麵我都唔得？
麵上面個溏心蛋又係癲，十成熟烚蛋仲要無味😂 張相蛋黃深色少少的地方，係d 湯濕左咋😂 我一夾起心諗，溏心蛋有無咁難煮呀？自己整都無咁嬲
最後就係餐廳個環境，兩排食客背住間餐廳唯一一條走廊坐，坐得又好近，d 侍應要過親都要移位俾佢，成餐飯移左3次俾不同人過黎過去😂
食完呢餐，覺得間餐廳的好處就係地理位置，因為你食完唔飽出面就係登打士街 好多小食店😂
我見好多食評大推濃蝦湯，可能果個真係好食啦，不過我應該唔會再去住，除非做耐左之後質素有明顯改善。
1 views
0 likes
0 comments
鴨腿湯麵
4 views
0 likes
0 comments
牛寶寶
1 views
0 likes
0 comments
Post
