妙語牽 (Closed)

在九龍灣享樂買完麵包，上了樓上逛逛。碰見一間曾經TV 有介紹過嘅養生湯水店，今日既然行到攰攰哋，咁不如坐低涼下冷氣，飲啖湯補一補。佢哋主打冇味精，冇雞粉，剛剛開業一個月。椰子雪耳響螺烏雞湯 $60雞湯底，有幾片椰子及響螺片，一隻烏雞腳，仲有少少雪耳，可惜冇咩椰子味，少少過咸，但飲完感覺舒服及確實有點黏口，應該係真材實料冇味精。門口有個凍飲櫃有雪菊茶，豆漿及羅漢果夏枯草茶。買咗支雪菊，好有菊花味，但沒有甜味，解渴。，店內仲有台灣製造的茶面膜。地方乾淨，舒服寬躺，款式選擇不多，要好D生意，老闆要再想想辦法啦。