尚素糕餅茶飲 (Closed)

新年一定會成日出街或者係屋企食好多野 都會怕肥 但又想食甜品 所以經過西九龍中心見到呢間尚素糕餅茶飲 主打純手工無添加食品 覺得d甜品幾特別同埋健康d 就買左番屋企同屋企人食下♡紅棗卷 $28呢個紅棗卷幾特別 外表似平時食果d卷蛋 入面加左紅棗碎 有少少酸🤏🏼 呢個卷係無加糖 只係有紅棗泥既甜味 表面仲有一片橙🍊 令到佢清新d♡提拉米蘇 $28呢個整成盒子蛋糕 方便我拎番屋企 同平時食既tiramisu差唔多味道 ♡藍莓乳酪 $32呢個係個特飲 個乳酪可以選擇其他生果 店主同我講要等一陣 原來係佢即刻整 好新鮮 我屋企人幾鐘意呢個飲品 因為唔甜 又有藍莓🫐既香味