堅料豬手車仔麵店

Open Now

Now Closed

近排某雜誌吹捧到天上有地下無嘅堅料煲仔飯，今晚有幸一試，滿心期待而去，點知失望『中伏』而回，首先講一下主角 飯～暖暖地、二人份都要叫多碗白飯先夠飽，因為得三碗仔唔滿嘅飯，連飯焦四碗仔都唔夠(是晚得我同朋友兩個正常飯量女子)，再講一下配角臘味 臘腸～得甜味，臘肉～普通，臘鴨～又咸又梗、完全無鴨嘅甘香，潤腸～四種臘味嚟講叫做最好食、肯定唔係一般街市平價貨，嗱！講到最重要嘅 飯焦～無焦香、薄薄一層un嘅，某雜誌話老闆會用茶幫客人煮飯焦粥，莫講呢個服務無之外水都唔比杯你飲啊，記得某雜誌有推介個限賣嘅老火靚湯(响螺頭 南北杏 蘋果 雪梨 豬骨)，無理由試㗎，Er！咁大個人第一次出面飲到例湯係乜湯渣都無、而且湯頭清甜色淡『心照不宣』，口渴返到屋企要狂灌水先掂。ps. 利申相片係我即場影無偷圖㗎，證明相片吸引唔代表一定好食