吉豚屋吉列豬扒專門店 (Closed)

今日差不多六點幾見肚餓去食飯，難得興致勃勃想食炸豬扒。一入到去埋去坐低，呀姐斟水就斟得果三分一杯，咁不如唔好斟啦？落單，眼見到兩個人，明明講左要兩個餐加一份炸雞，都可以落漏單唔覺得出奇。食物上係無問題既，雖然份炸雞每份細得可憐都炸過龍，都算啦，起碼所有野都叫入得口。去到最後，因為都剩得多食物，唔想浪費，所以想拎外賣盒拎走。成間鋪得幾枱客，又扮見人唔到，員工繞埋雙手企埋一邊，都係想拎個盒入完就走，佢仲可以慢條斯理繞住雙手慢慢行過黎問你要咩，嘩，好似佢先係客咁。第一次覺得呢間野差，以前食過其他分店都覺得無問題，但今次食完以黎都真係唔會要幫襯。真係寧願比多d錢食Tonkichi就算，完全係貼錢買難受。