The Artlab by Favilla (Closed)

8月20號係The Artlab by Favilla嘅last day🥲之前係觀塘返工，比起其他地方對觀塘嘅良心小店就更有感情🥲所以前幾日睇完戲就狗衝去做最後支持💛本身去係想食返印象唔錯嘅蒲燒鰻魚味噌炒滑蛋定食，但坐定先知已經轉咗全日menu🥲特登黎冇可能因為冇咗個鰻魚飯就走人啩😂於是就揀咗睇落最健康？嘅煙燻鴨胸蘆筍野菌糙米飯（少飯）加沙律（少汁）同日本茶🍵沙律都幾健康吓，雖然分量唔算好大但蔬菜種類都多嘅，配法棍，雖然我最鍾意食法棍但因為減肥中只能夠睇到當食到🥲飯都好快黎，不過我有被個碟嚇到少少， 因為個樣同我預計嘅好唔同🫢我以為會係日系？但估唔到係燉飯style同落咗好多芝士粉，鴨胸就⋯⋯唔算多🫣但係——飯不可貌相？將個鴨胸擺埋一邊撈一撈個飯，入邊勁多蘆筍洋蔥菠菜同菇，每一啖都可以食到滿滿蔬菜覺得好健康😁奶油sauce？好清淡，糙米飯完全吸收到汁，有滋味嘅同時口感亦都剛剛好，煙燻鴨胸就正常發揮不過略鹹少少🤏跟餐茶應該係玄米茶黎，都幾好飲😚煙燻鴨胸蘆筍野菌糙米飯 7.0/9買單時店員有送咖啡做小禮物，好唔捨得呢間靚靓嘅良心小店，不過仲有其他分店，希望可以堅持下去吖💛