老點點心竹筒飯 (Closed)

食下點心，飲下熱茶，幾寫意。呢間老點點心竹筒飯，雖然離地鐵站有點遠，但野食好味補返數。環境整齊，暖和既光線令人舒適。川貝雪梨燉海底椰-材料充足，味度濃郁，餡料都扎實，不會煮到散爛。好餐廳特菜式，班蘭馬孻糕-班蘭味天然芳香，青綠色的馬孻糕非常吸睛。口感鬆軟，食落又不太乾口。自家特製，讚仲有新菜式既-蝦膠玉子豆腐-有三層，一層係蟹籽，二層係蝦膠，最低係玉子豆腐。清晰分隔。蝦膠扎實彈牙。豆腐爽滑廷身。同樣自家特製，讚！仲有鮮蝦腸，腸粉晶瑩剔透，軟滑可口。蝦肉大大嚿，細心特製，每一嚿腸粉都有大大嚿蝦，分好曬，不用爭。