老點點心竹筒飯 (Closed)

一直想去呢間特式點心鋪，刻意早些到達，黃昏六點三，僅僅有兩個位，可以坐低，填交點心紙，叫咗五樣嘢：威風班蘭馬拉糕個名好有霸氣，螢光綠色亦好搶眼，質感鬆軟，比一般原味馬拉糕，多了一些班蘭味。新鮮肉排竹筒飯細細盅，好的骰，肉排鮮嫩，飯香，夠熱。瑤柱蒸蘿蔔糕蘿蔔糕軟韌適中，瑤柱絲及臘腸粒等餡料豐富。七味虎皮尖椒食唔出有七種味道，只有鹹及微辣，青椒爽口，但太油膩！蒜茸香草蝦春卷皮薄，香脆，鮮蝦味濃，口感不錯。