火鍋英雄 (Closed)

坐低之後會有八小碟涼拌小食，可以食住等個火鍋嚟，有涼拌豬耳、木耳、青瓜、蓮藕等等，可以過下口癮。重慶麻辣拼25年陳年花雕醉烏雞鍋麻辣湯好重香料味，揀咗牛油會比較肥但係更加香口。花雕鍋味道好香酒味，湯底鮮甜有藥材味，用烏雞嚟打邊爐都係第一次，估唔到都唔錯肉質比較瘦。美國極品肥牛(小)牛肉肥瘦分明，油脂分佈均勻，肉味都幾香濃，口感好嫩滑唔會韌。招牌四寶丸打邊爐我最鍾意食手打丸，四寶有鮮蝦、墨魚、鯪魚同鮮牛丸。蝦丸同墨魚丸就最得我歡心，鮮味得黎又爽口彈牙。韭菜水餃睇落以為個皮好厚，點知又唔會，個皮有少少煙韌，入邊嘅韭菜餡好豐富多汁，多菜少肉好食。西班牙黑豚肉除咗牛肉之外，黑豚肉打邊爐都唔錯，食落亦唔會有豬嘅騷味，肉質鮮嫩。酥炸響鈴唔知係咪店內即炸，但係食得出比平時嗰啲來貨新鮮香脆，一放湯即刻食得。