珀翠餐廳

Open Now

Now Closed

當日同朋友去咗食午飯。餐廳環境非常優美，位於香格里拉酒店56樓咁高位置，從窗邊向外觀看，景色優美。枱與枱之間亦很寬闊。當日叫咗一個套餐。由於今次嘅套餐主要以冬陰功為主，所以基本上每碟菜都有冬陰功味道。前菜嘅蝦肉非常新鮮，雖然有冬陰功味，但唔算辣。另外牛肉他他都非常好食。主菜個龍蝦好掂，肉質好厚，好有口感。甜品叫咗個有無花果味道的，感覺好新鮮，又唔會覺得太甜。由於當天是我的生日，餐廳送上一個生日蛋糕，竟然唔係一個蛋糕仔，係一個完整嘅芝士蛋糕。味道亦很好食。