Video
Read full review
2023-08-20
86 views
平時我好鐘意食撈麵，乾撈嘅口感有別於湯麵，乾撈比人嘅感覺特別濃味，始終濃縮就係精華嘛😆 嚟到位於深水埗，以撈飯麵系列為主打嘅「秘撈王」，一於試吓佢哋嘅招牌撈麵拌飯套餐😚首先揀麵或飯底，然後秘製醬汁及招牌靚餸，最後加埋冰涼特飲或消暑沙冰，則大功告成✔️店外有幾張枱底可以比你坐底即叫即食，坐喺店外等食期間，聽到店內預備食物聲音嘅過程都係一種期待同享受🤟老闆好快手，點菜後好快就上菜，慰寂直渴望嘅味蕾😉✍️我嘅配搭係粉絲+蒜香醬+昆布豬頸肉+香煎雞扒+碟豆檸檬冰撈麵要好食，全靠調味醬，呢度嘅調味醬全部都係老闆自製，確保無落味精，絕非來貨可比！作為一個鐘意重口味嘅人，果斷選擇蒜香醬🧅呢度嘅粉絲比較幼身，無我平時唔鍾意果種嚼唔喐嘅感覺～用筷子將醬汁及食材混合後，香氣立即四散，每一條粉絲都包裹喺濃郁蒜香之中。配菜方面：佢哋嘅肉類全部都係老闆自己醃製，而且係獨立調味～每款都好有特色。「香煎雞扒」煎得金黃，切成一件件方便食用。肉質唔乾反而好嫩，雞皮脆脆哋，重點係帶南乳味好香口！平時食野見到菜單上有豬頸肉3個字嘅我一般都會叫，因為呢個部位真係好好食了😆 一塊好嘅豬頸肉瘦中帶肥，呢度嘅「昆布豬頸肉」平衡喺肥瘦之
平時我好鐘意食撈麵，乾撈嘅口感有別於湯麵，乾撈比人嘅感覺特別濃味，始終濃縮就係精華嘛😆 嚟到位於深水埗，以撈飯麵系列為主打嘅「秘撈王」，一於試吓佢哋嘅招牌撈麵拌飯套餐😚首先揀麵或飯底，然後秘製醬汁及招牌靚餸，最後加埋冰涼特飲或消暑沙冰，則大功告成✔️
店外有幾張枱底可以比你坐底即叫即食，坐喺店外等食期間，聽到店內預備食物聲音嘅過程都係一種期待同享受🤟老闆好快手，點菜後好快就上菜，慰寂直渴望嘅味蕾😉
✍️我嘅配搭係粉絲+蒜香醬+昆布豬頸肉+香煎雞扒+碟豆檸檬冰撈麵要好食，全靠調味醬，呢度嘅調味醬全部都係老闆自製，確保無落味精，絕非來貨可比！作為一個鐘意重口味嘅人，果斷選擇蒜香醬🧅呢度嘅粉絲比較幼身，無我平時唔鍾意果種嚼唔喐嘅感覺～用筷子將醬汁及食材混合後，香氣立即四散，每一條粉絲都包裹喺濃郁蒜香之中。
配菜方面：
佢哋嘅肉類全部都係老闆自己醃製，而且係獨立調味～每款都好有特色。「香煎雞扒」煎得金黃，切成一件件方便食用。肉質唔乾反而好嫩，雞皮脆脆哋，重點係帶南乳味好香口！平時食野見到菜單上有豬頸肉3個字嘅我一般都會叫，因為呢個部位真係好好食了😆 一塊好嘅豬頸肉瘦中帶肥，呢度嘅「昆布豬頸肉」平衡喺肥瘦之間，肉實厚實彈牙，同水晶粉好夾！
套餐+ $12可以換特飲一杯，一於叫杯「蝶豆檸檬冰」，紫色嘅檸檬冰有如蝶舞飄飄，同檸檬嘅酸甜交融，飲完成杯簡直係透心涼～
另外呢度啲小食都幾多選擇，有雞翼、炸豬大腸、炸薯條、炸春捲、炸魚蛋等等。今次叫咗兩款雞翼試試，首先叫咗「滷水雞翼」，一見到實物真係有啲嚇親，因為每隻雞翼都飽滿都好大隻，如圖可見，你係可以見到雞翼排喺碟內差唔多係好擁擠嘅情況，無咩空位淨😂 濃香嘅滷水汁永遠都係同雞翼係最佳配搭～雞翼顏色油亮，而滷水汁做得好出色，唔會過咸，做到肉中有汁，汁中有肉☺️ 即使有啲飽都仲係好想食多幾隻😆
一直對沙薑情有獨鍾，沙薑獨特嘅風味令我慾擺不能👀 其實本身我麻麻地鍾意食薑，所以覺得沙薑呢樣醬汁真係好神奇，一聽到薑可能大部人將都耍手擰頭，但其實佢係有小辛辣同回甘嘅清香，同肉類係絕配，好似呢一款老闆特別推介嘅「香煎沙薑雞翼」，用沙薑醬醃製入味，每隻雞翼都呈現外面焦脆內裡嫩滑嘅感覺，相信小朋友都一定鐘意食☺️經過不妨買嚟試吓，當加餸都得😂
個人感覺秘撈王無論醬料配菜選擇都有好多，無論你係愛辣之人，定係追求濃郁口味嘅人，都可以搵到適合自己嘅組合，發掘屬於自己嘅最愛「秘撈王」🤤
Post
