味火鍋 (華僑商業中心)

餐廳位於尖沙嘴，以家庭式運作，供應半自助任食任飲無限時港式火鍋，有四部曲menu，從頭盤、湯底、皇牌拼盤到精選料理，另外like埋社交平台仲送雪糕添！絕對係gathering嘅好去處之一😋坐低後先上四款涼拌小食，全部都好入味而且夠冰涼，個人最喜歡呢度嘅青瓜，酸甜開胃，忍唔住encore咗好幾次🤣 雞軟骨反而幾有驚喜，細細粒，外脆內有咬口，炸粉夠薄，越食越上癮，水準絕對超越出面嘅小食店😬頭盤有芝士焗波士頓龍蝦、威靈頓三文魚柳、四川麻辣雞煲同老壇酸菜魚四選一，龍蝦半隻上，賣相一流，肉質彈牙，芝士味香濃，下次可以試埋其他款式🦞 湯底要咗蕃茄薯仔同特濃沙嗲雙拼，旁邊有湯唔夠水嘅可以自己再加～ 海鮮拼盤包括海蝦、鮑魚、手打墨魚丸、蝦丸、蟹棒、魚類等，鮑魚上枱時仲郁郁吓，果然夠新鮮😆 牛肉拼盤有牛小排、牛肩胛、封門柳同牛板鍵，排得好整齊，牛味濃郁，食落唔嚡口，唔夠可以加肥牛同豬肉～ 蔬菜拼盤五顏六色，鮮甜美味，感覺唔錯👍🏻 其他配料可以用QR code落單，大推炸魚皮同響鈴，保持到脆卜卜嘅口感，夠大塊得嚟又唔會散開曬，好難得😅 最後以雪糕作結！