養心殿台式養生鍋 (Closed)

已經係第三次食養心殿，今次就黎左佐敦呢間分店食。同樣地，都係嗌左食極唔厭既美人鍋，佢個雞湯真係清甜得黎又重雞味，次次黎都要至少飲番三四碗先開始食野！野食方面，唔少得既當然係佢個手切牛肉，都唔洗多講，睇圖就知有幾高質另外炸野方面，就叫左佢個即炸響鈴同埋炸油條，兩樣野吸埋佢個湯都超好味，但順帶一提大家食既時候可以飲完晒湯先落呢d炸野，如果唔係有機會會搞到成個湯底好油。腸胃唔好，嗌個蔬菜拼盤中和一下！最後我地仲嗌左個餃子拼盤，個人認為入面最好食既係佢個魚皮餃，小小地人黎食既話可以直接單嗌佢地個魚皮餃！