Tango Argentinian Steak House (Closed)

中環呢間Tango嘅lunch set已經食過幾次, 之前試過element 嗰間, 始終覺得中環呢間最好食！今次同朋友慶祝生日都照揀返呢間！最中意佢個午市套餐有beef tartare!!每次來都必點, 平時出去食飯, 單叫一個beef tartare 都要百幾蚊, 呢度個lunch set前菜居然包埋beef tartare, 而且份量足!! 每次未到主菜都已經食到六成飽，因為佢哋呢度嘅餐前麵包整得好有誠意，淨係食麵包都食到飽！佢哋嘅主菜可以加錢食牛，或者食意粉漢堡包等等，我叫咗個意粉，我朋友就叫咗個漢堡包，另外因為佢生日，我額外點左個甜品，可以要求寫happy birthday 上去嘅， 但係因為太飽嘅緣故，個甜品最後我哋影完相就打包拎走左食唔落。每次喺度食午飯都會食到超級滿足，胃口比較細嘅朋友真係食到要打包拎走！