牛角次男坊 (Closed)

呢間每次經過見到佢d圖係大大碗既燒肉飯就超級心心眼好想好想試😍雖然心知現實永遠係不同，但都想試過無悔！今次黎排左一陣隊（ within 10mins ) 就入到。都唔算耐，餐廳入面都唔細，都坐滿晒人，每枱之間都好近，有少少壓迫感。【 牛角次男坊井 】$89賣相真係無得輸😍😍😍😍，非常之靚非常正面，味道就同想像有少少唔同🤔，諗住佢會如其名係燒肉咁好香口，但食落係覺得好甜（鼓油），甜味蓋過晒燒肉既肉香。不過整體都ok.【 豚肉井 】$79賣相同樣吸引，一黎到好有食慾亦滿心期待放佢入口😍仲有隻流心蛋黃，一督開完全一整個開心！❤️ 但放入口同樣問題又出現：好甜！🤢 點解全部野都咁甜既？我想要燒肉香！！整體唔係差，唔係唔好食，但同預期有出入，有失望同呢個甜味咁勁既飯至少唔會令我掛住佢想encore⋯【 亂刃燒牛舌 】$28 （追加價）一送上黎就係呢個樣，好濕⋯說好了的「燒」字呢？ 呢幾粒勁似就咁煮⋯⋯分數（10分滿分💛）味道：6.5價錢：7環境服務：7.5（以上評分只是小編個人口味而已）