閨•家 (西九龍中心) (Closed)

今日搵到間冇味精茶餐廳 🍴位於西九龍中心 仲有明星介紹添梗係入去食返個lunch啦 店名叫 “閨家” 冇味精茶餐廳 🍴 試吓有冇家的感覺先 我哋叫咗幾款都係餐廳推介嘅 慢煮豬軟骨飯 透過慢煮令到豬軟骨肉質好軟淋淋 ，軟骨部份好爽口 整體口感唔錯 涼拌海蜇手撕雞 + 手拍青瓜 手帕青瓜 蒜蓉勁多 味勁香 麻麻辣辣感覺食得好過癮 手撕雞海蜇呢個配搭 幾OK👍🏻 海蜇口感勁爽脆 最後叫埋碗冇味精嘅老火湯同兩杯飲品 老火湯唔算太大碗 但係飲得出真材實料 味道濃郁 今次我呢碗杏仁味好香 個人好鍾意❤️ 特別呢個時候對氣管非常好