Video
Read full review
2010-05-06
41 views
呢晚同食家都早收工，七點幾就來到大圍試呢間來來重慶雞煲。串得起老闆成日同我提話呢間野好食，咁岩上forum又有網友寫食評話呢度食得過，一於來試下﹗大排檔格局，坐街為主，我地食到尾見佢地擺滿哂成條街咁濟，好好生意﹗雞煲當然是主角，另外呢度亦有個特色，就係個個食完雞煲都用番個汁來打邊爐﹗我地梗係唔會錯過啦﹗不過先點左個雞煲試下先﹗唔食雞都有其他選擇，佢都做埋小炒，價錢便宜，$40-$50蚊就有個餸﹗來大排檔食飯又豈可無酒呢﹗呢晚是燕京姐姐做promote，$14蚊支抵飲，o拿o拿淋叫三支要個冰筒雪起佢﹗雞煲即叫即做，師傅在食店一角露天炒到身水身汗，等十分鐘左右就有得食﹗一來到先打開個蓋，已可聞到濃濃既酒香撲鼻，好吸引﹗我八卦走出去睇下個師傅用0的咩來整，見到是大量既乾辣椒、花椒油、洋蔥、芫荽同埋一大羹既秘制醬汁。雞肉都幾多，半隻雞夠兩個人食，$98﹗有網友提到話小辣已經辣得緊要，我就一於二仔底死跟要個小辣﹗雞肉相當入味，神來之筆來自佢個醬汁，辣中帶甜好醒胃，那種辣的感覺不至於辣到你流淚，卻在口腔形成一種齒脥留香的味道，餘韻有陣甜香，過癮﹗吃過一件便追著吃，香辣惹味，濃而不鹹，確係好食﹗越食
串得起老闆成日同我提話呢間野好食，咁岩上forum又有網友寫食評話呢度食得過，一於來試下﹗
大排檔格局，坐街為主，我地食到尾見佢地擺滿哂成條街咁濟，好好生意﹗
雞煲當然是主角，另外呢度亦有個特色，就係個個食完雞煲都用番個汁來打邊爐﹗
我地梗係唔會錯過啦﹗不過先點左個雞煲試下先﹗
唔食雞都有其他選擇，佢都做埋小炒，價錢便宜，$40-$50蚊就有個餸﹗
來大排檔食飯又豈可無酒呢﹗
呢晚是燕京姐姐做promote，$14蚊支抵飲，o拿o拿淋叫三支要個冰筒雪起佢﹗
雞煲即叫即做，師傅在食店一角露天炒到身水身汗，等十分鐘左右就有得食﹗
一來到先打開個蓋，已可聞到濃濃既酒香撲鼻，好吸引﹗
我八卦走出去睇下個師傅用0的咩來整，見到是大量既乾辣椒、花椒油、洋蔥、芫荽同埋一大羹既秘制醬汁。
雞肉都幾多，半隻雞夠兩個人食，$98﹗
有網友提到話小辣已經辣得緊要，我就一於二仔底死跟要個小辣﹗
雞肉相當入味，神來之筆來自佢個醬汁，辣中帶甜好醒胃，那種辣的感覺不至於辣到你流淚，卻在口腔形成一種齒脥留香的味道，餘韻有陣甜香，過癮﹗
吃過一件便追著吃，香辣惹味，濃而不鹹，確係好食﹗
越食越辣，當然係咁隊啤啦﹗
食哂0的雞就叫師傅幫你加番0的豬骨湯，唔洗錢的，可以開始打邊爐﹗
這是紅薯粉，唔係度度有得食，吸湯能手，來呢度就係想試佢﹗
金菇當然又係吸湯之選﹗
金菇掛上湯汁後，辣度十足，惹味非比尋常﹗
紅薯粉是厚身的，比起我以前在大陸食的更粗更闊﹗
吸湯後辣不特止，煙韌十足，一級有o趙口，由於都幾大碟，兩個人食完之後已經幾飽，為防眼闊肚窄，都係慢慢叫為妙﹗
吃到薯粉我已經辣到成身汗，可感覺到口與鼻都充斥與那湯汁的辣香，食家大讚味道不錯呢﹗
食埋個薯粉真係夠皮，呢晚飲左四支大啤，埋單$180，好味抵食，下次一於相約埋大食團友再來試下個中辣先﹗
Post
