北海道食堂 (Closed)

趁8號風球未打到黎，今日決定收工之後一定要食返餐飽飯獎勵吓自己！最後我哋決定揀返屋企附近嘅放題，佢就係位於沙田中心嘅北海道食堂喇～我哋揀咗佢嘅晚市任食2.5小時極上放題，menu睇落都算有好多選擇，例如：壽司、刺身、串燒、天婦羅、火鍋等等，都幾吸引㗎🥰除此之外，飲品方面都有唔同嘅種類，有成3個飲品櫃俾你慢慢揀，亦都有茶同啤酒等等🍻而我最推介嘅食物一定係佢哋嘅刺身，例如：三文魚！食落好有濃香嘅三文魚味，厚薄切得啱啱好，油脂分泌好平均，而北寄貝都好新鮮，食落好鮮甜爽口，放題黎講質素真係算係唔錯架😂另外日式火鍋都唔錯，牛肉份量好多，肉質都可以～炸物方面好多都做得唔錯，我最鍾意嘅就係咖喱角同炸餃子，餡料十足，食落又唔會覺得好油🥰燒物方面都正正常常，但略嫌調味太單一只有鹽燒，如果有孜然粉味應該會正好多〜甜品部份今日只係得任食維記雪米滋，店員話平時會有雀巢雪糕🍦