和道屋

Open Now

Now Closed

朋友相約去食飯聚下，揀咗去尖沙咀和道屋，餐廳裝修好有日式風格，一入門口就見到掛滿日式燈籠，食材新鮮又高質。包括刺身壽司、燒物、石燒料理、一品料理等。蟹肉味噌甲羅燒，呢度係有啲與別不同，侍應不是一般用真蟹蓋盛載燒，而係用蟹蓋型的器皿燒，用日本調味品味噌製過的蟹膏，再加上鮮甜蟹肉和蟹籽在滿滿的蟹膏上，放在烤爐上香氣不斷湧出來 ，配埋脆口嘅脆條，食落鹹香味美，層次豐富！三文魚刺身，色澤鮮明，油脂甘香。海白虎蝦天婦羅，天婦羅新鮮炸起，大大隻份量十足，外層油香酥脆，內裡蝦肉爽滑彈牙，沾上特調天婦羅汁，更添咸鮮。鹽燒油甘魚鮫，魚鮫位於肥美既魚腩向上近下巴位置, 肌肉有彈性，油脂及膠質重，用鹽燒令魚鮫更香更美味！芝士玉子燒帆立貝，金黃色的帆立貝上舖滿芝士玉子，炙燒後散發出特有的甘甜滋味，超香濃芝士和玉子香味， 惹味非常！