原燒道場 (Closed)

放工落銅鑼灣搵食，我就想食海南雞，我個friend就想食串燒，上OP見到原燒道場可以滿足曬我地兩個要求，既可以食串燒，又可以叫樓下拳王嘅泰菜，太好啦。上到嚟環境都好闊落餐牌兩個，泰菜串燒任你揀首先叫個泰式海南雞 （$138 半隻）傳聞呢隻雞好食，呢隻雞很特別，文昌雞用雞湯蒸熟，上碟前侍應會淋上熱雞湯，保溫之餘又唔會浸到雞肉無味，更吸收了湯的精華，雞肉嫩滑入味，已去骨啖啖肉，值得一試。試完泰國菜，當然都要試下原燒，價錢比出面平好多， 選擇亦好多。另外，餐廳亦都好貼心，有四款辣道比客選擇。燒娃娃菜、雞脾菇、芝士丸，燒汁好出味，蔬菜都好新鮮。主食我就揀左個炒金邊粉，甜甜酸酸好開胃，好地道，外邊用蛋漿包住，金邊粉好彈牙，真係好似泰國食果D咁。埋單每人200蚊有找，好抵食。