Video
Read full review
2017-05-14
1379 views
上次喺銅鑼灣行街，突然好想食泡飯，即刻上openrice search下，發現附近有間鯛魚湯專門店，專門食日式泡飯嘅，又有得食日本菜，又有得食泡飯，一次過滿足我兩個願望。睇餐牌，呢度嘅選擇都好多，大部份都係有湯嘅，呢度嘅湯係用鯛魚去製作，非常奶白，飲落亦有滿滿嘅魚味，而呢度嘅菜式都係可以加錢去加一啲特別嘅食材，就好似車仔麵咁。象拔蚌配羽衣烏冬加廣島蠔一隻＄90開頭唔知道乜嘢叫羽衣烏冬所以特登叫黎試吓，原來睇落個樣好似刀削麵咁，比起刀削麵再闊啲再滑啲，但就唔係彈牙既，好似雲吞皮咁。象拔蚌有四件，食落都覺得有鮮味同埋都幾彈牙，而在廣島蠔有半隻手掌咁大姐，都算新鮮，同烏冬好配。鮑魚花膠湯飯加墨魚丸兩粒＄134用鮑魚同埋花膠真係好高級，忍唔住就叫咗啦，隻鮑魚都唔算好細粒，都有啲份量，而且唔有口感，好彈牙，仲甜甜地添，花膠都有四件，但係略嫌有啲煮得林有啲煮得唔夠淋，墨魚丸係因為黑色比較係出面少見所以試吓，都有好重嘅墨魚味道，裏面糭仲到墨魚肉添。蒜片牛柳粒＄78冇肉食真係好不安，好彩呢度都有好多小食嬌，牛樓粒都煎得好香脆，但係有少少老， overall食落都幾好食。鱈魚魚腐＄38呢個真係好抵叫，鱈
睇餐牌，呢度嘅選擇都好多，大部份都係有湯嘅，呢度嘅湯係用鯛魚去製作，非常奶白，飲落亦有滿滿嘅魚味，而呢度嘅菜式都係可以加錢去加一啲特別嘅食材，就好似車仔麵咁。
象拔蚌配羽衣烏冬加廣島蠔一隻＄90
開頭唔知道乜嘢叫羽衣烏冬所以特登叫黎試吓，原來睇落個樣好似刀削麵咁，比起刀削麵再闊啲再滑啲，但就唔係彈牙既，好似雲吞皮咁。象拔蚌有四件，食落都覺得有鮮味同埋都幾彈牙，而在廣島蠔有半隻手掌咁大姐，都算新鮮，同烏冬好配。
鮑魚花膠湯飯加墨魚丸兩粒＄134
用鮑魚同埋花膠真係好高級，忍唔住就叫咗啦，隻鮑魚都唔算好細粒，都有啲份量，而且唔有口感，好彈牙，仲甜甜地添，花膠都有四件，但係略嫌有啲煮得林有啲煮得唔夠淋，墨魚丸係因為黑色比較係出面少見所以試吓，都有好重嘅墨魚味道，裏面糭仲到墨魚肉添。
蒜片牛柳粒＄78
冇肉食真係好不安，好彩呢度都有好多小食嬌，牛樓粒都煎得好香脆，但係有少少老， overall食落都幾好食。
鱈魚魚腐＄38
呢個真係好抵叫，鱈魚嘅味道非常出，好香好甜好好食，魚腐炸得好脆，但係裏面又不失彈牙，所有餸裏面最好食係呢個。
要咁多兩個人食都係＄340姐，抵呀抵呀。
Post
