町町丼丼 (香港工業中心A座)

Open Now

Now Closed

放工幫同事拎電腦返屋企，佢住喺荔枝角，從地鐵站出口經過一間日式外賣店町町丼丼，同事話呢間抵食又好味！買晚餐請我試吓！大盛雙層鰻魚丼：鰻魚份量已經蓋滿飯面，新鮮又厚肉，鰻魚烤得香口，沾上醬汁香氣四溢。加上黑白芝麻更香更美味！飯係用珍珠米，米質粘性強，米粒短圓口感一流！日式咖喱吉列豬扒蛋蓋飯：吉列豬扒外層香脆有口感，同飯分開載保持脆口，蛋嫩滑，日式咖喱味道少少辣又帶點甜味，伴飯食甚惹味！唐揚炸雞配黑椒蛋黃醬：炸雞外層鹹酥香脆，雞肉入味，嫩滑有肉汁，點埋醬汁味道更提升。七味唐揚池魚：池魚肥美多肉，而且份量頗多，炸得香脆可口，連骨都可以食埋，沾滿七味粉更添美味！