Video
Read full review
2009-08-19
18 views
因為工作關係，認識朋友越來越多，加上多年累積有好多唔同機會，可以經常四圍搵食，而家被朋友講：「你個口真係越來越會食，重好有要求吓喎。」喂！其實我個口又真係好公正架喎，唔好食夾硬食真係對自己唔住架，唔通同自己有仇咩，你估真係免費就要夾硬吞咩！要俾錢架！哈哈而且每餐飯食得有水準又開心，確實真係人生一大快事喎！以前讀書，會有讀書報告而家每餐飯，會有(飯後(正)人)報告，哈哈收到個好朋友嘅電話，約今晚一齊食放題，去對方曾經多次推介，位於灣仔、蘭杜街的一間叫做(浦和)的日本料理，(星期一至星期四 $188加一 星期五至星期日 $198 加一)因為自己有早到習慣嘅關係，所以既然要等，不如邊吃邊等，無謂浪費時間，哈哈！點解冷氣唔夠，出汗喎，咁會影響食慾架！我一坐低就立即落單要一個雜錦壽司拼盆先，因為最簡單，一次過就可以試哂所有魚生，順手睇一睇個師父有冇誠意。等左一陣，好明顯睇得出師傅好有心機去堆砌e份一人分量嘅雜錦壽司拼盆。可惜，點解冇明蝦、又冇赤貝嘅？不過，有一隻非常爽口而且好有鮮味嘅馬刀貝，可以暫時取代赤貝嘅地位，哈哈所有魚生都非常新鮮，三文魚腩嘅魚油同魚香兼備入口即溶，可以食完立即再落單，哈
而家被朋友講：「你個口真係越來越會食，重好有要求吓喎。」
喂！其實我個口又真係好公正架喎，唔好食夾硬食真係對自己唔住架，
唔通同自己有仇咩，你估真係免費就要夾硬吞咩！要俾錢架！哈哈
而且每餐飯食得有水準又開心，確實真係人生一大快事喎！
以前讀書，會有讀書報告
而家每餐飯，會有(飯後(正)人)報告，哈哈
收到個好朋友嘅電話，約今晚一齊食放題，
去對方曾經多次推介，位於灣仔、蘭杜街的一間叫做(浦和)的日本料理，
(星期一至星期四 $188加一 星期五至星期日 $198 加一)
因為自己有早到習慣嘅關係，所以既然要等，不如邊吃邊等，無謂浪費時間，哈哈
！點解冷氣唔夠，出汗喎，咁會影響食慾架！
我一坐低就立即落單要一個雜錦壽司拼盆先，
因為最簡單，一次過就可以試哂所有魚生，順手睇一睇個師父有冇誠意。
等左一陣，好明顯睇得出師傅好有心機去堆砌e份一人分量嘅雜錦壽司拼盆。
可惜，點解冇明蝦、又冇赤貝嘅？
不過，有一隻非常爽口而且好有鮮味嘅馬刀貝，可以暫時取代赤貝嘅地位，哈哈
所有魚生都非常新鮮，三文魚腩嘅魚油同魚香兼備入口即溶，可以食完立即再落單，哈哈
我食魚生習慣點小量日本芥辣，然後再點小小日本豉油，因為日本芥辣同日本豉油過多，就會蓋過魚生本身嘅鮮味。
之後，朋友終於到，正式開始今晚日本放題！哈哈
首先來一個,魚生船
仍然水準之作，賣相非常吸引，坦白講：我真係好感覺到，師父好有誠意去做隻魚生船，而且已經係第三次落單叫雜錦刺身啦喎！仍然係比足心機！GOOD！
然後有兩隻送嘅鮑魚
首先講下個賣相先，嘩！送鮑魚喎！會吸引你立即試一試好唔好味，哈哈
我形容下個鮑魚係乜嘢味道先，我第一時間諗到豉油雞，師傅用左醬油、糖去烹調，如果能夠做得比較軟熟，相信會更加吸引我。
再來軟殼蟹手卷同加州手卷
外表賣相吸引，可惜軟殼蟹已經失去軟殼蟹應該有嘅柔軟度，相信因為用過多嘅粉去炸令到軟殼蟹相對變得硬實實，我本身非常喜歡食軟殼蟹，所以對軟殼蟹比較會有要求，哈哈
海老天婦羅
南瓜天婦羅
番薯天婦羅
同樣問題，用太多粉去炸，而且粉會吸油，不過，蝦本身好新鮮！有待改善。
清酒煮蜆
有水準,有酒香蜆肉仍應保持柔軟度，時間好制得非常好。
集錦壽司
特別值得一提，我想要一次過試哂所有款式，但我又唔想浪費食物，特的要求飯要細舊Ｄ，對方一樣答應，因為所有壽司都係即時製造，一定唔會預先做好，
而且仲係做得好有誠意，哈哈GOOD
牛油炒雜菌
朋友最愛，屬於個人喜好，哈哈
鹽燒雞軟骨串
OK
汁燒和牛串
和牛粒加上番茄仔啱啱好，唔錯
鹽燒豬頸肉串
OK
另外我叫了兩次馬刀貝刺身
好明顯我對馬刀貝情有獨鍾，而且肯定夠爽口鮮味，哈哈
最後因為朋友係老主顧嘅關係特別送上紅豆綠茶雪糕
嘩！一向都知道紅豆綠茶係絕配，佢哋d紅豆煮得非常粉入口即溶，而且裏面完全充滿糖分，配合綠茶雪糕簡直一絕！GOOD
最後，希望下次冷氣能夠改善，相信會再來幫襯。
Post
