氷川菓屋 (Closed)

話說呢排凍到得幾度又天黑黑落住冷雨 經過夏天常來食日本水果刨冰的山林道冰川菓屋 只求一杯熱茶 點知原來有熱辣辣窩夫賣 即叫即整邊等邊聞到好香好香 福崗士多啤梨聞已經好香甜 熱脆窩夫夾住濃奶味香滑cream同鮮甜士多啤梨加埋杯熱茶 真係沈鬱天氣下一點光明 呢度食材新鮮真材實料 夏天食過刨冰已經知道 但冬天窩夫都咁正真係好驚喜我望下餐牌見到呢度d 蕨餅賣得好平 同店長講我琴日去美麗華商場中村藤吉排左一個鐘入到去發覺蕨餅賣完好失望 呢度平過中村藤吉好多 早知行段路過來食兩位店長即刻現製黑蜜黃豆粉蕨餅俾我食第一次食暖笠笠蕨餅 特別軟同香 滿滿人情味 非常滿足請支持用心製作小店 日本博多福崗草莓窩夫黑蜜黃豆粉蕨餅