SAMA HK (Moved) New Location

以前去北海道食過，幾特別，有別於傳統日式咖喱飯，唔甜帶辣，多菜少肉。香港終於引入這款特別既咖喱飯食法，SAMA餐廳唔大，約坐到20人，有30種辣度可以選擇，加3種湯底，另外可選唔同餡料，有雞肶、豬肉、漢堡、海鮮、納豆同蔬菜，另外有D小食同酒水等。我同朋友各自選左5同15辣度， 椰子同蝦湯底，餡就雞肶同漢堡。5度微辣，可食到湯底各材料的內涵。15度就偏辣，同多左D辣油浮係面，不太欣賞。雞肶比較（鞋），漢堡就味道唔錯。另外點左D小食，薯餅、炸蠔同餃子，冇乜特別，食物炸得比較燶。整體上湯咖喱飯係一種幾特別既食法，如選辣度低D較好味，辣度高的似乎只係加左辣椒油來增加辣度。