浜燒太郎 (Closed)

上次同朋友經過 唐俊街 翩匯坊，發現有間食日本嘢嘅餐廳叫做浜燒太郎，可惜上次係食咗飯行緊街發現嘅，呢次特登嚟試吓，係將軍澳地鉄站行過嚟都好快，十零分鐘就到，地方雖然細，但招呼一流，侍應俾咗兩個位我地又推介有乜嘢好食，朋友睇完餐牌，又考慮個侍應嘅推介，叫咗一個 三式蟹蓋 ，一板海膽，串燒叫咗牛舌串 ，雞中翼串，大蔥雞串 同埋有燒大蜆， 又叫咗左口魚邊壽司 ，同埋豬軟骨拉麵， 蟹蓋 同大蜆 都係自己燒嘅 ，鮮味十足味道唔超正， 最好味嘅都係海膽， 可以用紫菜包住嚟食， 大蔥雞串 同雞中翼串燒都香脆可口，食埋碗豬軟骨拉麵就十分滿足。