釜之魂釜飯專門店 (淘大商場) (Closed)

呢日朋友係九龍灣個邊放工，於是就約左係淘大商場食晚飯，見到呢間日本野嘅門口好矚目，所以就揀左呢道食晚飯。我地見啲小食好吸引，於是就一口氣叫了幾碟小食:白魚脆脆沙律白魚同沙律菜嘅味道意外地配合，本來仲附有柚子沙律汁，但係個人認為唔駛加沙律醬都好夠味。櫻花蝦炸豆腐櫻花蝦味道鮮甜，炸得香口。黑松露玉子燒呢個玉子燒本身味道帶甜，加上黑松露醬汁食得出香濃嘅黑松露味，食落鹹中帶甜咁十分有趣。吉列牛舌呢款吉列牛舌勝在炸粉漿唔厚，牛舌又唔會太老，不過味道略淡。鹽麴牛舌飯最後當然要試佢招牌釜飯，牛舌嘅份量都頗多，肉質夠冧，加上蛋絲、青豆等嘅配料最啱拌飯，食到底仲會有脆口嘅飯焦，好似食緊煲仔飯咁，醬汁嘅味道則較濃。