Cherry Tokyo Cafe (愉景新城) (Closed)

芝士肉醬焗薯條 $38，雖然芝士焗至金黃色，幾香幾惹味，但唔夠熱，幸好薯條炸至香脆，拌以肉醬同食，味道幾好幾滋味。墨汁海鮮意大利飯 $128，海鮮好靚好味，帶子大粒又彈牙，仲有鮮味。蜆肉亦大隻爽口，蝦肉去殼方便進食，而且肉質爽彈，魷魚更加有鮮味，配埋三文魚籽，鮮味更升級。意大利飯保持口感，幾有咬感，但未至於似外國的半熟口感，所以幾岩港人口味，而且吸盡墨汁鮮味，味道好濃鮮。煙豚腩卡邦尼意粉 $88，同樣是味道濃郁，creamy醬汁好重奶香同蛋香，意粉掛滿醬汁，入口特別順滑美味，煙肉亦好香，所以唔好睇份量好似好少，食完都有點膩，但味道好好，好滿足。焦糖咖啡 $26，有好重焦糖味，與咖啡味balance，幾香幾好飲，令人回味。鮮奶咖啡 $23，朋友的咖啡亦大讚，奶泡打得細密綿滑，咖啡味亦香濃，無被奶泡沖淡，加上唔甜既飲品最岩友人。價錢合理，味道又好，而且仲唔使等位，值得再來。