餃餃餃子 (Closed)

半年前食過灣仔分店，覺得唔錯，今次就黎到鰂魚涌分店。見到除左單點餃子，仲有套餐。餃子都做到好薄皮，即叫即煎，個皮煎得好香脆。Puri Puri海老餃子 $45滿滿嘅蝦肉，好彈牙。雞肉芝士餃子 $42朋友至愛，中意芝士嘅可以一試。Mochi Mochi蘑菇餃子 $32以為個餃子皮會更有口感，但其實都差唔多，較為失望。柚子胡椒餃子 $32充滿柚子鹽風味，食落咸香，幾有特色。明太子薯仔餃子棒 $48叫左兩份，因為上次食過覺得好有驚喜，不過今次煎得唔夠香口，有啲失色。蟹肉海老特長豪華餃子棒 $42充滿蝦肉同蟹肉，食落好鮮甜，點沙律醬好味。