中村藤吉香港店 (Closed)

綠茶的食物一直都係本人和朋友至愛之一，早幾年前開咗呢間日本京都的香港分店中村藤吉就好想黎試下，但開張初期到依家都係勁多人排隊。自從佢由The one 搬埋黎美麗華商場，朋友就提議不如都撞下運氣黎排隊。今日趁星期六放假就黎排下，攞完籌都排咗半個鐘先入到。抹茶烏冬定食（凍），抹茶烏冬澇落溝咗芥末同香蔥的醬汁到食，爽滑清甜，味道好夾，不過綠茶味不算太濃，仲有碗綠茶粉白飯同甜品，綠茶啫喱紅豆白丸子。腐皮抹茶烏冬定食（熱），腐皮清甜，大塊，綠茶面熱食更滑。最期待的精選甜品，京之精選，有烘茶味蛋糕，抹茶蛋糕，抹茶雪糕，紅豆餡，丸子，蛋糕十分鬆軟，抹茶味好出色。