大丸ラーメン

Open Now

Now Closed

太耐無去日本，相信大家都好掛住日本🇯🇵既美食，我都唔例外，而其中一樣想即刻衝去食就係拉麵。聽聞哩一間拉麵🍜由日本人主理，好似好正宗咁，一於試試去。佢既選擇唔算多，只有四款，而當日係無期間限定既拉麵提供。點完單後好快就由日籍大廚遞上熱辣辣既拉麵。醬油豚骨拉麵(粗麵) $88佢既湯頭睇落就好濃郁，但飲落去係淡淡醬油味，醬油味入面有啲類似鰹魚乾🐟既海鮮味比較出眾，豚骨底🐷既味就完全被遮掩。睇返簡介，原來佢用左熊本產🐻熟成醬油同日本產乾貝再製成湯底，唔怪得乾貝味咁重。麵質方面，粗麵煙韌有咬口，我幾鐘意。叉燒🍖薄薄三片，都好軟熟，有少少豬騷味，而我比較鐘意厚身叉燒多啲。隻蛋用左新紀元曉🥚，流心效果做得一流，但醃得唔夠無咩醬油味，哩到扣返啲分。激辛豚骨拉麵(幼麵) $88湯底揀左中辛🌶，飲落都幾辣但隻辣味無咩層次，偏向死辣，同樣遮蓋左本身豚骨底🐷既味。幼麵都煮得岩岩好，仲好有彈性，相對地掛湯。而叉燒同蛋🥚就同醬油豚骨個碗大致上一樣。