Video
Read full review
2023-08-03
227 views
雖然聽日就飛去日本旅行，不過今日約朋友食飯都係揀大家都鍾意食嘅日本嘢。😆我哋今次去呢間JunG39 Japan係一間位於銅鑼灣嘅日本食店，由日本人主理，主打傳統嘅日本美食，而店名亦嚟自日本嘅郵政編碼，店內非有好多講日文嘅日本客人。🇯🇵JunG39 Japan雖然主打大阪出名嘅炸串，但菜單入面都包括咗唔同日本唔同地區嘅料理，當中仲包括有九州嘅名物牛腸鍋。餐廳設計以黑色同木質為主調，喺呢個咁舒適同放鬆嘅氛圍之下，最適合同朋友邊飲啤酒邊用餐，餐廳食物質素唔錯，而且價錢合理，今日雖然係平日，不過19：00左右就差唔多滿座，我哋18：30嚟都已經揀唔到bar枱啦。🙈明太子芝士玉子燒綿密嘅玉子燒中夾著香濃嘅芝士同明太子，口感鬆軟，明太子少少辛口，配上濃郁芝士，非常惹味。😋吞拿魚他他吞拿魚蓉配上日本雞蛋，鮮味非常突出，多士香脆，同吞拿魚蓉口感對比鮮明。👍🏻海膽壽司空運嘅海膽超級鮮甜，每件壽司海膽份量都唔少，一啖一件，超級興奮。😍鐵板海鮮明太子鐵板上嘅海鮮同明太子混埋一齊食，入口時仲溫熱，不過鮮味就不及吞拿魚他他。😁鐵盒蒸日本生蠔鐵盒蒸生蠔係日本漁夫嘅傳統做法，將生蠔放進鐵盒蒸架之上再加入清酒蒸鐵盒蒸
我哋今次去呢間JunG39 Japan係一間位於銅鑼灣嘅日本食店，由日本人主理，主打傳統嘅日本美食，而店名亦嚟自日本嘅郵政編碼，店內非有好多講日文嘅日本客人。🇯🇵
JunG39 Japan雖然主打大阪出名嘅炸串，但菜單入面都包括咗唔同日本唔同地區嘅料理，當中仲包括有九州嘅名物牛腸鍋。餐廳設計以黑色同木質為主調，喺呢個咁舒適同放鬆嘅氛圍之下，最適合同朋友邊飲啤酒邊用餐，餐廳食物質素唔錯，而且價錢合理，今日雖然係平日，不過19：00左右就差唔多滿座，我哋18：30嚟都已經揀唔到bar枱啦。🙈
明太子芝士玉子燒
綿密嘅玉子燒中夾著香濃嘅芝士同明太子，口感鬆軟，明太子少少辛口，配上濃郁芝士，非常惹味。😋
吞拿魚他他
吞拿魚蓉配上日本雞蛋，鮮味非常突出，多士香脆，同吞拿魚蓉口感對比鮮明。👍🏻
海膽壽司
空運嘅海膽超級鮮甜，每件壽司海膽份量都唔少，一啖一件，超級興奮。😍
鐵板海鮮明太子
鐵板上嘅海鮮同明太子混埋一齊食，入口時仲溫熱，不過鮮味就不及吞拿魚他他。😁
鐵盒蒸日本生蠔
鐵盒蒸生蠔係日本漁夫嘅傳統做法，將生蠔放進鐵盒蒸架之上再加入清酒蒸鐵盒蒸，令生蠔更肥美飽滿，嫩滑多汁，而且保存到生蠔嘅海水味同蠔鮮味。😍
博多豬骨湯鐵板炒麵
呢款喺福岡屋台常見嘅豬骨湯炒麵同香港食到嘅炒麵口感唔同，比較似湯拉麵嘅口感，配上野菜味道都唔錯。
黑和牛炸串
黑和牛肉質鬆軟又多汁，外皮非常酥脆，配上特製嘅醬汁，更加可口。👍🏻
牡蠣豬肉卷
鮮甜嘅蠔肉同豬肉混埋一齊食，入口非常多汁，而且豬肉味非常濃郁。😍
Calpis grapes soda
最後飲埋杯Soda，呢餐非常滿足。😙
Post
