甘味處鎌倉 (希慎廣場)

Open Now

Now Closed

之前去日本旅行食過【甘味處鎌倉】覺得非常好食、之後返香港見到希慎開左，經過見到無咩人排隊，就去左試啦。希慎店一出地鐵站就係啦，所以非常方便。草莓乳酪：之前試過蕨餅抹茶，今次就試下草莓乳酪。草莓乳酪係佢哋嘅招牌之一，味道唔會太甜，乳酪濃郁上面再加上一層鮮奶油，質感好滑好香。底部嘅草莓果肉蕨餅帶嚟一絲酸甜，令味道更加豐富，夏天食最啱唔過。每一口都好似品嚐到了清新嘅夏日氛圍，散發著誘人嘅果香，令人回味無窮。鎌倉蕨餅套餐：蕨餅套餐係佢地另一招牌組合，包括一杯原味抹茶。另一招蕨餅質地鬆軟糯滑，黃豆粉嘅香氣濃郁，甜味剛剛好，令人愛不釋手。原味抹茶茶味濃郁，微微帶點苦味，可以解膩。一杯抹茶配合埋蕨餅，帶嚟和諧嘅口感同味覺享受，非常滿足。另外屯門市廣場都有分店