蜜庵本膳 (Closed)

日本休閒甜品店同朋友仔係尖沙咀行到攰攰地，見到呢間幾休閒既甜品鋪，就入去食下野傾下計。日本紀州南梅蘇打 $38天然發酵蘋果醋配製而成，統天然，飲落去酸酸地既梅味，好突出，感覺似少少梅酒味道，但無酒精架。日本艾草豆乳甘酒 $48幾特別既配搭，甘酒係日本傳統飲品，無酒精，將白米發酵而成，有補中益氣既好處，而且加入艾草，艾草本有溫通經絡，祛風濕之效，係一杯健康飲品。飲落口未嘗到甘酒同艾草味道，豆乳味比較出，似飲緊豆漿加少少草青味，都幾好飲，易入口。可惜只有冷飲，如果做到熱飲，感覺會更加健康。班尼迪煙肉蛋 $98幾塊鹹味既pancake，中間夾住d bacon，最頂層係流心蛋，再加上好多香滑蛋黃醬，好似未試過咁樣食，配搭特別，但又唔會覺得奇怪，新鮮食法，香噴噴，值得一讚。雙茶蜜 $98Pancake細塊d，厚身少少，有3種醬俾你點黎食，抹茶、培茶、黑糖，當今最受歡迎既3種味道可以一次俾你食曬，滿足我地呢d為食鬼，唔洗煩諗食咩味道。一捧到枱面就聞到黑糖味，唔會過甜，抹茶/培茶味要點多d醬先feel到，不過當你點得夠多就知道佢既抹茶係高質夠濃，有茶香，唔會只係甜味，如果鐘意甜食，可以揀呢個試一試。