大手燒 (Closed)

知道馬鞍山有間舖頭係賣大手燒，本來想去試下啲大手燒但係食飯時間，所以最後都order咗兩個便當拎走。order咗紅酒蕃茄牛肋條便當，同埋百花釀蟹鉗便當，兩個便當分別都有五穀飯團、日本蕃茄仔、青提子、酸辣青瓜、同埋粟米，而分別在就係牛肋條同埋百花蟹鉗，配菜每一樣都好豐富好新鮮，特別係個飯團好健康，同埋食得出日本風味，主菜牛肋條就炆得好淋肉質好香，蟹鉗就炸得金黃香脆，而且便當都係一律50蚊一個絕對抵食，好過食茶餐廳d快餐，如果下次有機會我會試埋佢其他便當同埋大手燒。