Video
Read full review
2011-10-22
1 views
呢日同男朋友係尖沙咀睇完婚紗餓餓地，唔想食韓國菜，見到呢間新開既拉麵店，門口有d雜誌介紹，見裝修都幾有特色就走左入去。可能因為下午茶時段所以唔算好多人，原本想求其食碗麵就閃，但店長就好細心(哈哈，其實都幾長氣)咁介紹。我唔係一個食家，所以對拉麵其實唔係咁熟悉，店長話佢地賣既係北海道札幌拉麵，配方同原料都係由北海道入口，仲係無落味精咁話。除左拉麵佢仲介紹我地食昆布漬，話佢地用既羅臼昆布係日本被稱為王者昆布，唔係咁易入到貨。但點講都要食左先知。我地卒之order左一碗真拉麵、一碗海拉麵同一份昆布漬。昆布漬先到，要既係柚子味，清清地唔會遮左昆布既清香，食落同一般昆布的確有d唔同，佢係比較爽脆，仲唔潺，好味。過左一陣我碗真拉麵就送到面前，店長好客氣話因為配料要逐份炒所以要等耐d。人地話西山拉麵好出名，我食落又真係幾好味，最緊要係食到最尾d麵都無淋，你知女仔食野耐架啦。佢地既叉燒唔係好似五花腩果d，而係比較瘦既。我自己就鍾意瘦d，況且佢地既叉燒有咬口得黎都好嫩滑。過左五分鐘男朋友碗海拉麵又到喇。蝦唔算大但都好入味($88應該唔係日本蝦掛，哈哈)，有d淡淡既清酒味，我男朋友好鍾意，我自己因為唔鍾意
可能因為下午茶時段所以唔算好多人，原本想求其食碗麵就閃，但店長就好細心(哈哈，其實都幾長氣)咁介紹。我唔係一個食家，所以對拉麵其實唔係咁熟悉，店長話佢地賣既係北海道札幌拉麵，配方同原料都係由北海道入口，仲係無落味精咁話。除左拉麵佢仲介紹我地食昆布漬，話佢地用既羅臼昆布係日本被稱為王者昆布，唔係咁易入到貨。但點講都要食左先知。
我地卒之order左一碗真拉麵、一碗海拉麵同一份昆布漬。昆布漬先到，要既係柚子味，清清地唔會遮左昆布既清香，食落同一般昆布的確有d唔同，佢係比較爽脆，仲唔潺，好味。過左一陣我碗真拉麵就送到面前，店長好客氣話因為配料要逐份炒所以要等耐d。人地話西山拉麵好出名，我食落又真係幾好味，最緊要係食到最尾d麵都無淋，你知女仔食野耐架啦。佢地既叉燒唔係好似五花腩果d，而係比較瘦既。我自己就鍾意瘦d，況且佢地既叉燒有咬口得黎都好嫩滑。過左五分鐘男朋友碗海拉麵又到喇。蝦唔算大但都好入味($88應該唔係日本蝦掛，哈哈)，有d淡淡既清酒味，我男朋友好鍾意，我自己因為唔鍾意飲酒所以就一般啦。講到湯底我地都同意係無落味精既，佢望落好清唔會成碗油咁，入口唔會即刻就有好濃烈既味道，但飲飲下你又覺得好香好純，男朋友居然飲晒！
呢餐飯我都幾滿意，應該會再黎幫親。不過有一點意見，碗麵對女仔黎講實在係太大碗喇！
Post