Video
Read full review
2022-01-01
793 views
日本過新年習俗—— 食「御節」日本人通常自己喺屋企整，好彩喺香港比較地道嘅日本餐廳都有得食。已經第二年嚟呢度食新年1月1日限定「御節」嚟應下節。一日有三輪： 8am/9am/10am我哋book左第三輪，相中係第二輪嘅食客，其實唔只係日本人，好多香港人都會專登以日本形式慶新年。唔好以為menu列左廿幾樣嘢出嚟就會好多，其實一個餐盆就載得晒。唔好以為呢個set好似好細唔夠食，其實食完個年糕湯就已經開始飽😅廿幾款野每樣一人一件… 一家四口，甚至如果一家只得兩口嘅話，真係睬佢都傻。所以日本宜家有好多店舖都有唔同分量嘅現成「御節」提供放便客人一買即食。就好似我哋嘅盆菜咁。又或者日本煮婦們會去超市熟食部買一pack pack現成餸菜，返到屋企擺返落個盒到就當係自己整🤣每位客人都會有個載咗「樽酒」嘅木枡。枡角上有啲鹽巴，鹽係古時日本人嘅送酒小食，用鹽令到日本酒嘅味更完整。呢度嘅樽酒好純好易入口，唔苦唔辣喉🤤。一如以往，呢度嘅御節賣相好靚！淨係睇都已經係賞心樂事🥰御節其實係食「意頭」, 一般家庭主婦新年收爐唔煮飯仔，所以御節盒入面通常都係醃製食物，昆布之類黑黑沉沉，凍冰冰但貪佢可以唔駛番熱就食得又可
日本人通常自己喺屋企整，好彩喺香港比較地道嘅日本餐廳都有得食。
已經第二年嚟呢度食新年1月1日限定「御節」嚟應下節。一日有三輪： 8am/9am/10am
我哋book左第三輪，相中係第二輪嘅食客，其實唔只係日本人，好多香港人都會專登以日本形式慶新年。
唔好以為menu列左廿幾樣嘢出嚟就會好多，其實一個餐盆就載得晒。
唔好以為呢個set好似好細唔夠食，其實食完個年糕湯就已經開始飽😅
49 views
0 likes
0 comments
廿幾款野每樣一人一件… 一家四口，甚至如果一家只得兩口嘅話，真係睬佢都傻。所以日本宜家有好多店舖都有唔同分量嘅現成「御節」提供放便客人一買即食。就好似我哋嘅盆菜咁。
19 views
0 likes
0 comments
又或者日本煮婦們會去超市熟食部買一pack pack現成餸菜，返到屋企擺返落個盒到就當係自己整🤣
13 views
0 likes
0 comments
每位客人都會有個載咗「樽酒」嘅木枡。枡角上有啲鹽巴，鹽係古時日本人嘅送酒小食，用鹽令到日本酒嘅味更完整。
呢度嘅樽酒好純好易入口，唔苦唔辣喉🤤。
20 views
0 likes
0 comments
20 views
0 likes
0 comments
一如以往，呢度嘅御節賣相好靚！淨係睇都已經係賞心樂事🥰
御節其實係食「意頭」, 一般家庭主婦新年收爐唔煮飯仔，所以御節盒入面通常都係醃製食物，昆布之類黑黑沉沉，凍冰冰但貪佢可以唔駛番熱就食得又可放幾日嘅餸菜。唔會好似omakase咁食鮮味，食驚喜。
不過呢度嘅御節有金泊，有蝦，有1/4隻酒煮鮑魚， 多咗一份貴氣😎
特別鍾意佢哋嘅銀雪魚西京燒，蝦同湯年糕。
13 views
0 likes
0 comments
Post
